Энэ талаар Шүүхийн ерөнхий зөвлөлийн  дарга Н.Лүндэндорж “Өнгөрөгч онд Шүүхийн ерөнхий зөвлөлөөс хийсэн томоохон ажлуудын нэг нь мэдээллийн нэгдсэн төвтэй болсон явдал байв. Мэдээллийн нэгдсэн сантай болсноор шүүгчийн ачаалал эрс багасч  орон нутгийн шүүгчидтэй видео хурал хийж, сургалтад хамрах боломжтой боллоо. Мөн бид шүүгчийн хараат бус байдлыг хангах үүднээс шүүгчийн цалинг гурав дахин нэмсэн. Энэ нь шударга ёсонд оруулж буй томоохон хөрөнгө оруулалт хэмээн ойлгож байна. Өнгөрөгч онд Шүүх байгуулах тухай хуулийг хэрэгжүүлж дууслаа. Өөрөөр хэлбэл шүүхүүдийн шинэчилсэн байрлалыг тогтоож, шүүгч нарыг томилж дуусаад Монгол улсын шүүхүүд хэвийн ажиллаж эхлээд байна” гэв.