Улсын нууц задруулсан хэрэгт холбогдоод буй хурандаа В.Нямхандыг өнөөдөр Хан-Уул дүүргийн шүүхэд шүүнэ. Тэрээр ТЕГ-ын Сөрөх тагнуулын албаны даргаар ажиллаж байхдаа Улсын нууцад хамраарах материалыг задалсан хэрэгт буруутгагдаад буй юм. Түүнийг Эрүүгийн хуулийн 79,1-д зааснаар Монгол Улсын иргэн тус улсын тусгаар тогтнол, үндэсний аюулгүй байдал, батлан хамгаалах хүчин чадалд хохирол учруулах зорилгоор гадаад улсын тагнуулын албанд элссэн, төрийн нууцыг гадаад улс, түүний тагнуулын албанд шилжүүлэн өгсөн, Монгол Улсын эсрэг дайсагнасан үйл ажиллагаа явуулдаг гадаад улсын байгууллагатай хамтран ажилласан гэх үндэслэлээр буруутгаж байгаа юм. Хэрэв гэм буруутай нь тогтоодвол 16-25 жилийн хорих ялаар шийтгэх заалттай ажээ. Хуралд улсын яллагчаар Е.Сагсай, өмгөөлөгчөөр Ж.Цэрэнжээ, шүүгчээр Ё.Цогтзандан нар оролцоно.