БОАЖЯ,  ХХААХҮЯ-наас арьс ширний үйлдвэрлэл эрхлэгчдэд гадаадын улс орнууд химийн бодис агуулсан хаягдал бохир усыг хэрхэн цэвэршүүлж байгаа талаар болон “Оюу толгой” болон “Энержи ресурс” компанийн цэвэрлэх байгууламжийн туршлага, мэдээллийг танил­цууллаа.  БОАЖ-ын сайд 2012 оны дөрөвдүгээр сарын 6-ны өдөр арьс ширний үйлдвэрлэл эрхэлж буй аж ахуйн нэгж, байгууллагуудын удирдлагуудтай уулзалт хийж үйлдвэрлэлээс гарч байгаа химийн бодис агуулсан хаягдал бохир усаа стандартын төвшинд цэвэрлэсний дараа “Урьдчилсан цэвэрлэх байгууламж” НӨҮГ-ын цэвэрлэх байгууламжид нийлүүлж байхыг сануулсан юм. Мөн техник, технологийн шинэчлэл хийхэд шаардлагатай санхүүгийн тооцоо, судалгаа хийж ирүүлсэн тохиолдолд олон улсын ногоон зээлд хамруулах гэнэ. Дээрх ажлын хүрээнд компаниудад туршлага болно хэмээн үзэж энэхүү танилцуулах уулзалтыг хоёр яам хамтран хийсэн аж.