УИХ-ын намрын чуул­ганы хугацаанд хийсэн аж­луудаа Байнгын хороод танилцуулж байгаа билээ. Төсвийн байнгын хорооны хувьд намрын чуулганы хуга­цаанд хэрхэн ажиллаж, ямар хуулийн төслүүд бат­луул­сан болоод чуулганы зав­сарлагаанаар юу амжуулахаа Байн­гын хорооны дарга Ц.Да­ваасүрэн мэдээлэв. Нийт­дээ 23 удаа хуралдаж, дав­хардсан тоогоор 55 асуу­дал хэлэлцүүлж, 42 хуулийн төсөл, найман УИХ-ын бусад шийдвэр төсөл, хяналт шал­галтын гурван ажил хэ­лэлц­жээ. Төрийн бай­гуул­лага, аж ахуйн нэгж, иргэдээс нийтдээ 184 албан бичиг ирсэний 124-ийг нь шийдсэн байна.
Төсвийн байнгын хорооны эрхлэх асуудлын хүрээнд нийт 24 хууль, УИХ-ын бусад шийдвэрийн долоон төслийг хэлэлцүүлж, батлуулж. Ту­хайл­бал, 2013 оны төсвийн то­дотголыг хэлэлцэж, төсвийн нийт тэнцвэржүүлсэн орлогыг 6,289.1 тэрбум төгрөг, нийт зарлагыг 6,629.8 тэрбум төгрөг болгож бууруулж ба­тал­сан юм. Төрийн аудитын тухай хуульд нэмэлт, өөрч­лөлт оруулах тухай хууль бат­лагдсанаар Төрийн аудитын бай­гууллагын тогтолцоо, бие даасан үйл ажиллагаа, ха­раат бус байдлын хууль эрх зүйн орчин бүрдсэн. Мон­гол Улсын 2014 оны төс­вийн тухай, Нийгмийн даат­галын сангийн 2014 оны төс­вийн тухай, Хүний хөгжил сан­гийн 2014 оны төсвийн ту­хай хуулиуд баталсан би­лээ. Монгол Улсын 2014 оны нэгдсэн төсвийн нийт тэнцвэржүүлсэн орлого 6.8 их наяд төгрөг, нэгдсэн төсвийн төсвийн нийт зарлага 7.2 их наяд төгрөг болж, тэнцвэржүүлсэн тэнцэл -410.0 тэрбум төгрөг буюу ДНБ-ийн 2.0 хувьтай тэнцэхээр баталсан. Мөн 243 төсөл, арга хэмжээг “0” дүнтэйгээр хөрөнгө оруулалтын жагсаал­тад тусган, Үндэсний ауди­тын газраар шалтгааныг нарийвч­лан тогтоолгосоны дараагаар санхүүжүүлэхээр болсон. Гу­рав­дугаар сард УИХ-ын ээл­жит бус чуулган зарлаж эд­гээр объектод хийсэн шал­галтын дүнг хэлэлцэн, хөрөнгө оруулалтыг нь шийдвэрлэнэ.
Монгол Улсын төсвөөс 2014 оны төсвийн жилд зарцуулах төсвийн зарлагын хэмжээг 5.5 их наяд төг­рөг, Монгол Улсын төс­вийн хөрөнгөөр 2014 онд санхүү­жүүлэх хөрөнгө оруулалтын хэмжээг 1.1 их наяд төгрөг, Төсвийн тогтворжуулалтын санд хуримтлуулах хөрөнгийн хэмжээг 29.7 тэрбум төгрөг, шинээр гаргах болон дахин санхүүжүүлэх Засгийн газрын он дамжих үнэт цаас 1.4 их наяд төгрөг, Засгийн газрын шинээр авах гадаад төслийн зээл 289.9 тэрбум төгрөг, Засгийн газрын гаргах баталгааны дээд хязгаарыг 2.5 их наяд төгрөг байхаар тооцож Монгол Улсын 2014 оны төсвийн тухай хуулийг баталжээ.
Аттестатчилагдсан их, дээд сургуулийн өдрийн ан­гид зохих шаардлагыг хан­гасан бүх оюутанд сар бүр хөдөлмөрийн хөлсний доод хэмжээний 50 хувьтай тэнцэх хэмжээгээр тэтгэлэг олгодог байсан. Сурлагын амжилтыг нь харгалзан суралцах хугацаанд нь 2014-2015 оны хичээлийн жилээс эхлэн 10 сарын турш, сар бүр үндэсний тэтгэлгийг олгоно. Сургууль болон оюутнуудад тавигдах шаардлага, хичээлийн нэг жил, сард олгох хэмжээ, хугацааг хуульд нийцүүлэн Засгийн газар тогтооно гэж өөрчилж, баталсан билээ.
Гаалийн албан татвараас чөлөөлөх тухай, Нэмэгдсэн өртгийн албан татвараас чөлөө­лөх тухай хуулиуд, ”Газар тариалангийн үйлд­вэр­лэлийн тогтвортой хөгж­лийг хангах тухай” УИХ-ын тогтоолыг чуулганы хуга­цаанд баталсан юм. Хүн амын хүнсний хан­гамж, хүртээмжийн тогт­вор­той байдлыг хангах арга хэмжээний хүрээнд стра­тегийн хүнсний улирлын нөөц бүрдүүлэх, үрийн ши­нэч­лэл хийхэд шаардагдах 100 мянга хүртэлх тонн хүнс­ний улаан буудай, 20 мян­га хүртэлх тонн хүнсний улаан буудайн үрийг Гаалийн бо­лон Нэмэгдсэн өртгийн албан татвараас чөлөөлөхөөр болов.
Газар тариалангийн сал­барыг эрчимжүүлэн хөгжүүлж, тогтвортой хөгжлийг хангах, үйлдвэрлэлийг нэмэгдүүлж, бүтээгдэхүүний борлуулалтыг дэмжих, өрсөлдөх чадварыг дээшлүүлэх, алслагдсан бүс нутгийн газар тариаланг хөгжүүлэх зорилгоор дэв­шилтэт технологид суурилсан техникийн шинэчлэлийг нэвт­рүүлэх. Мөн газрын өмчлөл, эзэмшил, ашиглалтыг сайж­руулах, бордоо, ургамал хамгааллын бодисын хан­галтыг нэмэгдүүлэх, та­рим­лын зохистой сэлгээг нэвт­рүүлэх замаар хөрс­ний үржил шимийг сайж­руу­лах, хамгаалах, үрийн аж ахуйг хөгжүүлж, үр, сор­тын шинэчлэл хийх, газар тариалан, мал аж ахуйн хөгжлийн бодлогын уялдааг хан­гах зэрэг асуудлаар бод­лого, хөтөлбөр бо­ловс­­руулж УИХ-аар хэ­лэл­­­цүүлэхийг Засгийн га­зарт даалгасан тогтоолыг батлуулжээ.
Түүнээс гадна “ДЦС-4” ТӨХК-ийн суурилагдсан хүчин чадлыг Т-120/130-130-8М0 турбинаар өргөтгөхөд шаардагдах тоног төхөөрөмж, сэлбэг материал, багаж хэрэгслийг импортлоход Гаалийн болон Нэмэгдсэн өртгийн албан татвараас энэ оны арванхоёрдугаар сарын 1-ний өдрийг хүртэл чөлөөлөхөөр болсон. Энэ оны төсөвт тооцож тусгаа­гүй байсан татварын хөн­гөлөлтийн бодлого учир тө­сөвт ямар нэг нөлөө үзүү­лэхгүй гэж үзсэн юм.
Тус Байнгын хорооны эрхлэх асуудлын хүрээнд гур­ван хяналт шалгалтын ажлын хэсэг байгуулж, Байнгын хорооны зургаан тогтоол, батлуулсан байна. Тухайлбал, Парламентын сэтгүүлчдийн дунд төсөв, санхүү, татварын талаар сургалт, Аудитын сэдэв батлах тухай, Төрийн аудитын байгууллагын зохион байгуулалтын бүтцийн ерөнхий бүдүүвч, орон тооны дээд хязгаарыг батлах тухай Байнгын хорооны тогтоол баталжээ.