2012 оны сонгуульд Ардчилсан намаас барьж орсон, иргэдийн дэмжлэгийг хамгийн ихээр хүлээхэд хүргэсэн шинэчлэлийн бодлого, суурь өөрчлөлтүүд хүлээгдэж байгаа. Хуулийн салбарын шинэчлэл, улс төрийн намуудын хууль, Үндсэн хуулийн өөрчлөлт гээд олон чухал асуудал ирэх хаврын чуулганаар орох ёстой. Хэдийгээр Ардын намынхан эдгээр асуудалд цаг үргэлж бойкот хийж, чадлаараа өөр тийш нь савлуулж байгаа ч гэсэн. Хэрвээ засаг унавал эдгээр хуулиуд хэлэлцэгдэхгүй. Өнгөрсөн хугацаанд УИХ дээр хүч түрж эхлүүлсэн ажлууд нь бүгд зогсох болно. Дор хаяж л дараагийн сонгуулиар нэр дэвшигчдээ хэрхэн гаргахаас эхлээд Ардчилсан намд өөрт нь ч гэсэн асуудал тулгарна. Тиймээс одоо эрх барьж байгаа дээрээ тоглоомын дүрмээ тодорхой болгож авах нь Ардчилсан намынхны хувьд амин чухал.