Нийслэлийн МАН-ын байгууллага хуралдаж шинэ оны зорилт бодлогоо тодорхойлжээ. Эндээс ирж байгаа шинэ онд нийслэлийн намын байгууллага дөрвөн чухал зорилт дэвшүүлж байгаа юм байна. Түүнийхээ нэгийг Нийслэлийн МАН-ын дарга Ц.Сандуй “Нэг нь бид дутагдлаа засах. Гэхдээ бүгдийг нь засч чадахгүй, хагасыг нь л засна” гэж тодорхойллоо. Тэгэхээр энэ нам шинэчлэгдэхгүй, дутагдлаа бүрэн засах сонирхолгүй байгаа  бололтой. Өөрөөр хэлбэл төрийн мөнөг хөрөнгөнөөс тэрбум тэрбумаар нь иддэг байсан одоо талыг нь идэж завшина гэсэн үг байх нь.
Уг нь хаанахын хэн ч гэсэн дутагдлаа засна, муу муухайгаа орхино л гэдэгсэн. Том зорилт тавьж байж чадах хэрээрээ хийдэг. Тэгэхээр талыг нь засна гэж байгаад оны эцэс гэхэд дутагдлынхаа талын талыг нь зассан гээд сууж байх нь л дээ.