“Цагдаагийн ар гэрийн холбоо”-ны тэргүүн Ж.Алтангэрэл долдугаар сарын 1-ний хэрэгт холбогдоод буй цагдаагийн экс дарга нарыг өмөөрч УИХ, Үндсэн хуулийн цэцэд хандахаар болжээ. Учир нь, шүүх тэдэнд холбогдох хэргийг яаравчлан шийдвэрлэхийн тулд хууль бус үйлдэл гаргаж буйг эсэргүүцэж байгаа гэнэ. Тус холбооноос өмнө нь Ерөнхийлөгч болон холбогдох бусад байгууллагад цагдаагийн экс дарга нарын асуудлаар гомдол өгсөн боловч хэн нь ч хариу өгөөгүй аж.