Хоёр намын амлалтын мөнгө болох сая төгрөгийг эхний ээлжинд өндөр настан болон хөгжлийн бэрхшээлтэй иргэдэд гурав хувааж өгөхөөр болсон. Энэ мөнгөний эхнийг дөрөвдүгээр сард өгөх байсан ч санхүүжилт байхгүй гэдэг шалтгаанаар өгч амжаагүй. Энэ сард олох эсэх нь ч тодорхойгүй байгаа. Гэтэл сая төгрөг авах гэсэн иргэд харьяа дүүргийнхээ хороонд урт дараалал үүсгэн жагсах. Мөн дайны хажуугаар дажин гэгчээр, “Сая төгрөг өгөх гэж байна. Бичиг баримтаа бүрдүүл” гэсэн үнэн худал нь үл мэдэгдэх мэдээлэл нисэх болов.  
Сангийн сайд Д.Хаянхярваагаас энэ мөнгийг хэзээ олгох талаар тодруулахад, “Хэзээ өгөх нь тодорхойгүй байна. Өгч чадахгүй байгаа шалтгаан нь санхүүжилт. Хэзээ мөнгөтэй болно тэр цагт л олгож эхлэх байх. Хэрэв мөнгө ороод ирвэл дөрөв, тавдугаар сарын мөнгийг хамтад нь олгоно” гэлээ.
Ямартай ч Засгийн газар холбогдох газруудаас санхүүжилтийг нь бүрдүүлэхээр шахаж байгаа гэнэ.