Гадаад харилцааны яамны Төрийн нарийн бичгийн дарга Б.Батхишиг Бүгд Найрамдах Беларусь Улсаас Монгол Улсад /Бээжингээс хавсран/ суугаа онц бөгөөд бүрэн эрхт Элчин сайд Виктор Буряг хүлээн авч уулзлаа. Тэд уулзалтын үеэр хоёр орны харилцааг идэвхжүүлэх арга замын талаар санал солилцжээ. Хөдөө аж ахуй, уул уурхай, боловсрол зэрэг олон салбарт уламжлалт харилцааг сэргээн хөгжүүлэх нөөц боломж байгааг хоёр тал санал нэгтэй тэмдэглэсэн юм.
Беларусиас хөдөө аж ахуй, уул уурхайн машин техник авах, уул уурхай, машин үйлдвэрлэл, зам, геологийн инженер, техникийн мэргэжлээр хоёр улсын их сургуулиудад харилцан оюутан сургах зэргээр хамтын ажиллагаагаа идэвхжүүлэн, цаашид хоёр улсын Засгийн хоорондын комисс байгуулж харилцаа, хамтын ажиллаагааг өргөжүүлэн урагшлуулах нь чухал гэж үзэв.