Намууд энэ сонгуульд хэнийг хаана дэвшүүлэх вэ гэдгээ
шийдэх хариуцлагатай үед тулж ирээд буй. Сонгуулийн шинэ хууль батлагдсанаар
зарим аймагт тойргийн тоо цөөрсөн. Ихэвчлэн тойргийн тоо цөөрч, өмнө нь
тойргоос гарч байсан зарим хүмүүс намын жагсаалтад шилжээд буй. Тэгвэл 2008 оны
сонгуулиар Хэнтий аймгаас сонгогдсон УИХ-ын эмэгтэй гишүүний нэг Д.Арвинг
намынх нь нөхөд тойргоос нь жийжээ. Уг нь, тэрээр МАН-аас Баянзүрх дүүрэгт
дэвших санаатай байсныг эх сурвалж өгүүлсэн. Тэгтэл тус намынхан энэ тойрогт
УИХ-ын гишүүн Ц.Батбаяр, Сангийн дэд сайд Ч.Ганхуяг, Улаанбаатар хотын Засаг
даргын орлогч Б.Мөнхбаатар нарыг зүтгүүлсэн аж. Тиймээс УИХ-ын гишүүн Д.Арвинд
намын жагсаалтад орох саналыг намынх нь удирдлагууд хэлсэн гэдгийг ойрын эх
сурвалж өгүүлэв. Харин эрхэм гишүүний хувьд ямар сонголт хийх нь нууц байна.
Д.МӨРӨН
