Олон нийтийн радио, телевизээс бусад радио, телевизээр сонгуулийн сурталчилгаа нэвтрүүлэх журмын төслийг хэлэлцэж баталлаа.
Радио, телевиз сонгуулийн сурталчилгааны  нэвтрүүлгийг нам, эвсэл, нэр дэвшигч, захиалагчтай байгуулсан гэрээний үндсэн дээр төлбөртэй нэвтрүүлэхээр журамд заасан байна. Төлбөртэй нэвтрүүлгийн нийт хугацаа нь  хоногт хоёр цагаас илүүгүй байх аж.
Үүнээс гадна Хороо сонгуулийн үеэр дэргэдээ хараат бус хэвлэл, мэдээллийн орон тооны бус зөвлөл байгуулж ажиллуулна. Зөвлөл нь нам, эвсэл, нэр дэвшигчийн хэвлэл, мэдээллийн сурталчилгааны тэнцвэрт байдалд хяналт тавих бөгөөд энэ асуудлаар нам, эвсэл, нэр дэвшигч, хуулийн этгээд, иргэнээс ирүүлсэн өргөдөл, гомдлыг хянан үзэж, санал дүгнэлтээ Сонгуулийн Ерөнхий Хороонд танилцуулах үүрэгтэй юм.
                                                                                                        П.Ариунаа