АН УИХ-ын сонгуульд нэр дэвших 76 хүнийхээ 15-ыг эмэгтэйчүүдээр бүрдүүлэхээр болсон. Харин тус намаас нэр дэвших эмэгтэйчүүд сонгуульд өрсөлдөхийн тулд намдаа 50 сая төгрөг тушаах ёстой. Гэвч энэ мөнгийг төлөх бэл бэнчинтэй эмэгтэйчүүд тийм ч олон байхгүй. Өнөөдрийн байдлаар зургаан эмэгтэй л 50 сая төгрөгөө төлчихөөд байгаа гэнэ. Ардчилсан эмэгтэйчүүдийн холбооны тэргүүн Ц.Оюунгэрэл “Эмэгтэй нэр дэвшигчид намдаа 50 сая төгрөг өгөх нь буруу. Үнэхээр л эмэгтэй нэр дэвшигчдийг дэмжих гэж байгаа бол дэмжсэн шиг дэмжих хэрэгтэй. Миний хувьд энэ мөнгийг өгөх боломжгүй” гэсэн утгатай зүйл ярьж байсан. Харин тэрээр одоо энэ бодлоосоо ухарчээ. Түүнд намын дарга Н.Алтанхуяг нь 50 сая төгрөгөө долоон хоногийн дотор олж ирсэн байх боломж олгосон гэнэ. Тиймээс АЭХ-ны тэргүүн Ц.Оюунгэрэл 50 сая төгрөгийн эрэлд гарсан гэсэн шүү.