Ардчилсан намын ҮЗХ-ны хурал Төрийн ордонд болж байна. Хуралдаанаар бүх шатны Иргэдийн төлөөлөгчдийн хуралд нэр дэвшүүлэх намын дотоод журмыг УИХ-ын сонгуулийн тухай хуультай нийцүүлэх тухай хэлэлцэж байгаа юм. Энэ удаад зөвхөн уг журмыг хэлэлцэж, батлана гэлээ. Харин долоо хоногийн дараа буюу 24-ний пүрэв гаригт ҮЗХ дахин хуралдаж, нэр дэвшүүлэх тухай хэлэлцэх юм. Иймээс уг журмыг хэлэлцэхдээ хуралдааныг хаалттай явуулахаар болсон. Хуралдаанд ҮЗХ-ны 220 гишүүнээс 140 орчим нь оролцож буй мэдээлэл бий. Асуулт, санал хэлэх гишүүн олон байгаа учраас хуралдаан нэлээд үргэлжлэх төлөвтэй байна. Намын дотоод асуудал учир мэдээлэл өгөх боломжгүй гэдгээ ч зарим гишүүн хэлж байсан юм.
Харин МАН-ынхны хувьд үүнтэй зэрэгцэн Удирдах зөвлөл нь хуралдсан аж. Тэд ч мөн НИТХ-ын сонгуулийн тухай хэлэлцсэн гэнэ.