УИХ-ын үдээс өмнөх чуулганаар Авлигатай тэмцэх газрын зохион байгуулалтын бүтэц, орон тоог шинэчлэн батлах тухай УИХ-ын тогтоолын төслийг хэлэлцлээ. Уг төслийг гишүүдийн 75,6 хувийн саналаар дэмжсэн юм. Нийтийн албанд нийтийн болон хувийн ашиг сонирхлыг зохицуулах тухай хууль энэ сарын 1-нээс эхэлж хэрэгжиж эхэлсэнтэй холбогдуулан АТГ-ын бүтэц орон тоог шинэчилж, өргөжүүлэх шаардлагатай гэж үзсэн учраас тус газрынхан дээрх төслийг өргөн мэдүүлсэн гэнэ. Төсөлд АТГ 145 албан хаагчтай байхаар тусгажээ. Уг төслийг анхны хэлэлцүүлэгт бэлтгүүлэхээр УИХ-ын Хууль зүйн байнгын хороонд шилжүүлэв.