Харьд ажиллаж сурч байгаа иргэд анх удаа сонгууль өгөхөөр болсон. Гэхдээ иргэний шинэчилсэн бүртгэлд хамрагдсан иргэн дипломат төлөөлөгчийн газраа очиж сонгуульд оролцох хүсэлтээ гаргасны дагуу санал өгөх эрхтэй. Сонгууль өгөх хүсэлтэй иргэд заавал дипломат төлөөлөгчийн газар албан ёсоор хүсэлтээ гаргах нь гадаадад амьдарч буй монголчуудад ихээхэн төвөг учруулж байгаа бололтой. СЕХ-нд ч энэ талаар нэлээд олон гомдол, хүсэлт ирсэн гэнэ. Иймд СЕХ-ноос энэ тал дээр арга хэмжээ авч и-мэйл, факс, шуудангаар ирүүлэх боломжийг олгожээ. Иргэний шинэчилсэн бүртгэлд хамрагдсан монголчуудын тоо 32800. Албан ёсны тоогоор бол 103 мянган хүн гадаадад амьдарч байгаа гэхээр 70 орчим мянган хүн бүртгэлд хамрагдаагүй талаар УБЕГ-ын дарга Л.Амарсанаа хэлсэн юм.