УИХ-ын чуулганы танхим. Гадаадын хөрөнгө оруулалтын тухай хуульд нэмэлт өөрчлөлт оруулах тухай хуулийг батлахаар УИХ-ын дарга Д.Дэмбэрэл алх цохив. Батж.Батбаяр гишүүн хурдхан шиг өөрийнхөө товчлуурыг дарчихаад хажуугийнхаа хоёр, арынхаа нэг кнопыг дарж байгаа харагдана. Д.Дэмбэрэл дарга “Санал хураалтад 40 гишүүн оролцож, 27 гишүүн зөвшөөрч 67.5 хувиар хууль батлагдлаа гээд Хуулийн этгээдийн улсын бүртгэлийн тухай хуульд нэмэлт өөрчлөлт оруулах тухай хуулийг төслийг бат­лахаар алхаа цохино. Ахиад л Батж.Батбаяр гишүүн босон харайж, өөрийнхөө ха­­­жуугийн хоёр гишүүний бас Н.Батбаяр гишүүний ха­жуу­гийн товчлуурыг дарж буй харагдав. Ямар ч байсан дөрвөн хүний санал аваадахлаа. Д.Дэмбэрэл дарга “хууль баталж байна ги­­шүүд ээ” хэмээн байн байн сануулах. УИХ-д хууль иймэрхүү байдлаар батлагд­саар удаж байна.

Батж.Батбаяр гишүүний хувьд ирсэн нь аз, ирээгүй нь хохь гэгчээр инээгээд л суудалдаа буцаад тух­лах. УИХ-д сууж байгаа хуга­цаандаа хуралдаа ир­сэн өдрөө ашиглаад ийн лоббины хуулиа батлуулах гэж зүтгэж буй бололтой. Гэвч хэрвээ өнгөрсөн хугацаанд батлагдсан бүхий л хуулийг ийм янзтайгаар баталсан гэвэл олон товчлуур дарж чадсан нь өөрийн зүтгүүлж буй хуулиа батлуулдаг байх нь.
УИХ-ын 2012 оны сонгуу­лийг хурууны хээ ашиглан өгөхөөр ярилцаж, техник технологи ч өндөр төвшинд хөгжчихсөн өнөө үед эх орныхоо ирээдүйг тодорхойлох хуу­лиа ч гэсэн эрхэм 76 гишүү­нийхээ хурууны хээгээр л батал­гаажуулан баталдаг болохсон.

Энэ тухай баримт "Хурууны хээгээр хууль баталдаг болъё" видео бичлэгээс харна уу. http://www.assa.mn/video/84.shtml?a=politics