Өчигдөр оройжин хуралдсан нийслэлийн АН-ын хурал араасаа маргаан дагуулахаар болж байх шиг. Нэр дэвшигчдээ тодруулахдаа нэлээд хэл ам хэрүүл болсны эцэст гомдолтой үлдсэн хэсэг хүн байгаа аж. Тухайлбал, Баянзүрх, Баянгол дүүргийн АН-ын дарга нар гомдол гаргахаар зэхжээ. Нийслэлийн зөвлөлдөх зөвлөлийн гишүүн бус хүмүүсийг нэр дэвшүүллээ, дүрмээ зөрчлөө гэсэн гомдол тавихаар ярилцаж эхэлж. Тойрогт өрсөлдөх болоод жагсаалтад бичигдсэн хүмүүс хэн нэг даргын нөлөөгөөр гэнэт орж ирлээ, зарим нь АН-ын гишүүн мөн эсэх нь эргэлзээтэй байна хэмээж буй. Иймээс удахгүй нийслэлийн АН-д гомдолоо хүргүүлэх юм байна. Энэ долоо хоногийн баасан гаригт СЕХ-нд нэр дэвшигчдээ бүртгүүлэх сүүлчийн хугацаа. Тэгэхээр түүнээс өмнө нэлээд их маргаан, хэрүүл болж мэдэхээр байна.