Улс төрийн намууд сонгуульд сойх нэр дэвшигчдээ тодрууллаа. МАХН-МҮАН-ын “Шударга ёс” эвслийн Бага чуулган өчигдөр хуралдаж, нэр дэвшигчдээ тодруулсан байна. Намын жагсаалтыг мэдээж Н.Энхбаяр тэргүүлэхээр болж. Түүний араас УИХ-ын гишүүн Ч.Улаан, гавьяат хуульч С.Нарангэрэл, Татварын ерөнхий газрын дарга асан Ц.Оюунбаатар нар бичигдэж байна. Мөн жагсаалтын дээгүүрт Н.Энхбаярын хүү Батшугар, өмгөөлөгч О.Баасанхүү, эдийн засагч Ч.Хурц, С.Авирмэд нар эрэмбэлэгдэж байгаа аж.  
Харин МАХН-ын дэд дарга, УИХ-ын гишүүн Д.Тэрбишдагва Сонгинохайрхан дүүрэгт, УИХ-ын гишүүн О.Чулуунбат Баянзүрх дүүрэгт, МАХН-ын ерөнхий нарийн бичгийн дарга Н.Удвал Архангай аймагт, гавьяат жүжигчин С.Жавхлан Увс аймагт, МҮАН-ын дарга М.Энхсайхан Дархан аймагт, гавьяат тамирчин З.Ойдов, Байгаль орчны сайд асан Г.Шийлэгдамба нар Өвөрхангай аймагт, эдийн засагч Н.Дашзэвэг Баянгол дүүрэгт нэр дэвших нь тодорхой болжээ. Түүнчлэн энэ хурлаар зарим бүтэц бүрэлдэхүүнээ өөрчилсөн байна. Г.Шийлэгдамба МАХН-ын нарийн бичгийн дарга болжээ. МҮЭСТО-нд “Шударга ёс” эвсэл өчигдөрийн турш хаалттай хуралдсан юм.