“Тиранозаурс Батаар”-ын араг ясны олдворын талаар АНУ-ын ЭСЯ-ны эдийн засаг, худалдааны хэлтсийн дарга Дэвид Уайштай уулзаж, мэргэжлийн шинжээчдээр үзүүлэх зөвшөөрөл олгоход дэмжихийг хүссэн. Мөн АНУ-ын хууль хяналт, хүчний байгууллагыг татан оролцуулж, олдворын гарал үүслийг тогтоолгох, асуудлыг шийдвэрлэх хүртэл дуудлага худалдааг зогсоох, Монголын талын нэхэмжлэлийг төлөөлж ажиллах хуулийн фирм, Монголоос очих ШУА-ын Палеонтологийн төвийн төлөөлөгчид зохих дэмжлэг үзүүлэх зэрэг хүсэлтээ БСШУ-ы сайд уламжилжээ. Үүнийг нь АНУ-ын холбогдох газруудад тавьж, давхар хөөцөлдөн ажиллахыг Вашингтонд суугаа ЭСЯ-нд ГХЯ-наас үүрэг болгсон байна.