Сүхбаатар дүүргийн шүүх өглөө 10:00 цагт МАХН-ын дарга, Ерөнхийлөгч асан Н.Энхбаяр нарт холбоотой хэргийг хэлэлцэж эхэлсэн. Гэвч шүүгдэгч Н.Энхбаярын өмгөөлөгч Б.Ганбаатар шүүх бүрэлдэхүүнд хандаж, үйлчлүүлэгчийнхээ биеийг тэнхэрч, эрүүл мэнд нь сайжиртал хэргийг түдгэлзүүлэх санал гаргалаа. Гэвч улсын яллагч Ё.Сагсай “Шүүгдэгч Н.Энхбаярт холбогдох хэргийг түдгэлзүүлэх шаардлагагүй. Харин хойшлуулах боломжтой” гэв. Ингээд 30 орчим минутын дараа шүүх бүрэлдэхүүн завсарлага авч, зөвлөлдсөнөөр Н.Энхбаяр нарт холбогдох хэргийг ирэх сарын 4 хүртэл хойшлуулахаар шийдвэрлэв.