Баянзүрх дүүргийн шүүхээс Говьсүмбэр аймгийн Засаг дарга Ж.Баянмөнхөд 5.1 жил хорих ял оноожээ. Ж.Баянмөнхийг Говьсүмбэр аймгийн Татварын хэлтсийн даргаар ажиллаж байсан С.Мөнхжаргалаас авлига авсан гэж буруутгажээ. Өчигдөр болсон анхан шатны шүүхээс түүний буруутайг тогтоож ийм ял оноогоод байна.
Өмнө нь, түүнийг Шивээговь сум дахь орон нутгийн өмчит “Илчлэг шивээ” үйлдвэрийн газрыг найздаа хувьчилж өгөхийн тулд Өмч хувьчлалын комисс болон өөрийн удирддаг албан тушаалтнуудад хууль бус шаардлага тавьж, дарамталсан гэх үндэслэлээр буруутгаж байсан юм.  Гэсэн ч мөрдөн байцаалтын явцад энэ тогтоогдоогүй аж.