Ардчилсан намын Үндэсний зөвлөлдөх хороо өнөөдөр 18 цагаас хуралдана.

Хуралдаанаар Засгийн газарт МАН нэгдэх болсон, мөн Засгийн газрын шинэ бүтэц бүрэлдэхүүний асуудлыг хэлэлцэнэ гэж эх сурвалж мэдээллээ. Өнөө өглөө УИХ дахь Ардчилсан намын бүлгийн хуралдаан Төрийн ордонд хуралдаж, УИХ-ын гишүүн М.Батчимэг Засгийн газрыг хамтран байгуулах хүрээнд нам, эвслийн бүлгүүдтэй хийсэн зөвшилцлийн талаар мэдээлэл хийсэн байна. Бүлэг үүнээс гадна хоёр ч асуудал хэлэлцсэн бөгөөд бүлгийн хуралдааны талаар хэвлэлийнхэнд мэдээлэл хийсэнгүй. Энэ нь Ардчилсан хувьсгалын 25 жилийн ойн хүрээн дэх зарим арга хэмжээ эхэлж байгаатай холбоотой ба нөгөөтэйгүүр Үндэсний зөвлөлдөх хороо хуралдсаны дараагаар  тодорхой мэдээлэл хийхээр болжээ.