Цөмийн энергийн газрын дарга байсан С.Энхбат найман аж ахуй нэгж, компанид хууль бусаар цацраг идэвхт ашигт малтмал хайх, олборлох, ашиглах 21 тусгай зөвшөөрөл олгожээ. Энэ төрлийн ашигт малтмалын тусгай зөвшөөрөл аж ахуйн нэгжүүдэд олгохдоо ҮАБЗ-өөр хэлэлцүүлж, Монгол Улсын Ерөнхийлөгчийн зарлигийн дагуу олгох хуультай. Гэтэл С.Энхбат үүнийг зөрчин 21 тусгай зөвшөөрөл олгож, улс орон үндэсний аюулгүй байдлыг хохироожээ. Тухайлбал, гадаадын хөрөнгө оруулалттай “Том зам”, “Лорд экономи”, “Монгол 3000”, “Prime energy resourse” зэргийг дурдаж болно. Харин ЦЭГ-ын одоогийн дарга Г.Манлайжав хууль бусаар олгосон уг 21 тусгай зөвшөөрлийг хүчингүй болгосон гэнэ. Гэтэл тусгай зөвшөөрлийг нь хүчингүй болгосон зарим компани шүүхэд ханджээ.Ерөнхийлөгчийн зарлигийг зөрчсөн агентлагийн даргын асуудлыг тун удахгүй  шүүх шийдвэрлэх гэнэ.