Сүхбаатар дүүргийн шүүх цагдаагийн экс дарга нарын буюу хошууч генерал Ч.Амарболд, хурандаа О.Зоригт, Ш.Батсүх, дэд хурандаа Г.Ганбаатар нарт холбогдох хэргийн шүүх хуралдааныг энэ сарын 29-нд 10:00 цагт хийхээр товлосон.
Нийслэлийн Өмгөөлөгчдийн зөвлөлөөс Ч.Амарболдын өмгөөлөгчөөр Ж.Батхүү,  О.Зоригтын өмгөөлөгчөөр А.Ундрах, Ш.Батсүхийн өмгөөлөгчөөр  М.Алтан-Өлзий,  Г.Ганбаатарын өмгөөлөгчөөр Б.Баяр нарыг томилсон талаар өмнө нь бид мэдээлсэн билээ. Өмгөөлөгчид хэргийн материалтай танилцаж байгаа бөгөөд одоогийн байдлаар зарим нь 29 хавтаст хэргээс дөнгөж 10-ыг нь уншиж танилцсан ажээ.
Цагдаагийн дарга нарын өмгөөлөгчид амралтын өдрүүдээр буюу энэ сарын 26-27-ны өдрүүдэд хэргийн материалтай танилцах хүсэлтийг Сүхбаатар дүүргийн шүүхэд гаргасан байна. Шүүх энэ хүсэлтэд хүндэтгэлтэй хандан хүлээн авч хэргийн материалтай танилцуулахаар болжээ.