Намууд мөрийн хөтөлбөрөө мягмар гаригт албан ёсоор задлана. Үүнээс өмнө мөрийн хөтөлбөрөө нийтэд задлах нь хуулиараа хориотой. Энэ удаагийн сонгуулийн мөрийн хөтөлбөрт намууд мөнгөн амлалт тусгахыг хориглосон. МАН-ынхан цалинг 1.3 сая төгрөгт хүргэнэ гэсэн амлалт өгсөн нь хууль зөрчсөн гэдгийг Аудитын ерөнхий газраас тогтоосон. Гэсэн ч МАН-ынхан энэ заалтаа мөрийн хөтөлбөрөөсөө авч хаяагүй гэсэн мэдээлэл байна. Ямартай ч намуудын мөрийн хөтөлбөр нийтэд ил болох үед л МАН-ынхан хууль зөрчсөн заалтаа авсан эсэхийг харъя.