Өнгөрсөн баасан гарагт нийслэлийн Сүхбаатар дүүргийн 19 дүгээр хорооны нутаг дэвсгэр дэх Хандгайтын гулгуурын талбайд хүн нас барсан мэдээллээр цагдаагийнхан  очиж шалгажээ. Энэ хэргийн талаар ЦЕГ-ын ХМТ-ийн ажилтан Ё.Лхагвасүрэнгээс тодруулахад " Эрүүгийн хуулийн 94 дүгээр зүйлийн бусдын амийг санамсар болгоомжгүйгээс хохироох... гэсэн үндэслэлээр шалгаж байна" гэв.

Хохирогч нь Баянзүрх дүүргийн 8 дугаар хороонд оршин суугч 60 настай хүн байв. Баянгол дүүргийн 19 дүгээр хороонд оршин суугч 15 настай хүү чаргаар гулгаж байгаад ийнхүү хүний амь насанд холбогдсон харамсалтай хэрэг гарчээ. Тиймээс цана, чаргаар гулгахдаа болгоомжтой байхыг  УБХЦНГ-аас иргэдэд анхааруулж байна.