Баруун африкийн орнуудад дэгдээд байгаа Эбола вирусээр амиа алдсан хүний тоо 8220 боллоо гэж Дэлхийн Эрүүл мэндийн байгууллага мэдээллээ. Албан ёсны мэдээгээр халдвар авсан хүний тоо 20712 болж 8220 нь нас баржээ.
Эбола вирус Либери, Гвиней, Сьерра-Леон зэрэг баруун африкийн орнуудад эрчтэй тархаж байгаа бол  Мали, Нигери, Сенегал, Испани, Их Британи, АНУ-д орнуудад бас илэрсэн юм. Гэхдээ энэ орнуудад халдвар авсан хүний тоо 10-аас илүү гараагүй байна.
Либерид 8157 хүн халдвар авснаас 3496 хүн нас барсан бол Сьерра-Леонд 9780 хүн халдварлаж  2943 нь амь алджээ. Гвинейд 2775 хүн өвчилж 1781 нь нас бараад байна.
Энэ сарын 5-наас хойш гэхэд л 67 хүн халдвар авч, 56 хүн нас барлаа гэж ДЭМБ мэдээлжээ.