Цагдаагийн дүрээр бусдыг торгож байсан этгээдийг мэдээллийн мөрөөр шалгаж барьжээ. Цагдаагийн дүрэмт хувцас өмсөж,  тусгай хэрэгсэл ашиглан жолооч нараас мөнгө хурааж байсан этгээдийг Нийслэлийн Сүхбаатар дүүргийн хоёрдугаар хэлтэс шалгаж байна.

Шарга морьтын гүүрнээс Хандгайт руу салдаг хэсэгт жолооч нарыг зогсоон бичиг баримтыг шалгаж, торгож байсан "хуурамч" цагдаа нь Чингэлтэй дүүргийн 9 дүгээр хорооны иргэн Г гэгч байв.Тэрбээр буруугаа хүлээж, хялбар аргаар мөнгө олох гэж дэггүйтсэнээ зөвшөөрч, түүнд зохих арга хэмжээг авчээ.