Францад амьдарч байсан Монголын дөрвөн иргэн авто ослоор амиа алдсан харамсалтай хэрэг гарсан. Талийгаачдын гурав нь гэр бүлийн хамт, нэг нь ганцаараа амьдардаг байсан тухай Парист суугаа манай ЭСЯ мэдэгдсэн. ГХЯ болон Францад суугаа ЭСЯ нас барсан иргэдийн ар гэрийнхнийг хүлээн авч шаардлагатай туслалцаа үзүүлж байгаа гэнэ.
Тухайлбал Монголд байгаа ар гэрийнхэнд нь Франц руу зорчих виз олгох болжээ. Залуус осолд орохдоо согтууруулах ундаа хэрэглээгүй байсан гэнэ.