“Монголын пауэрлифтингийн нэгдсэн холбоо”-ноос энэ сарын 5-6-нд Спортын төв ордонд 2015 оны улсын аварга шалгаруулах тэмцээнээ зохион байгуулах гэж байна. “Чемпионс” клубээс ивээн тэтгэж буй тус тэмцээн залуучууд, насанд хүрэгчид, ахмадын ангилалд нийт 23 жингийн 300 багц медальтайгаар зохиогдох аж. Улсын аваргад амжилттай оролцогчдоос ирэх оны долдугаар сард Хонконгт болох Азийн аварга шалгаруулах тэмцээнд оролцох тамирчдыг сонгон шалгаруулах гэнэ.