Нийслэлийн иргэдийн төлөөлөгчдийн хурлын дарга Т.Билэгтийг Ерөнхийлөгч асан Н.Энхбаяртай нийлж хотын өмч хөрөнгийг үнэгүйдүүлж завшсан хэрэгт холбоотой гэсэн мэдээлэл түгэж буй. Эл хэрэг нь илэрч эхэлсэн түүнийг эмчлүүлэх нэрээр гадаад руу оргон зайлсан гэх нэгэн ч байгаа юм. Т.Билэгт НИТХ-ын даргын ажлаа хийлгүй хагас жил гаруй хугацаа өнгөрлөө. Тэрээр өнгөрсөн оны арваннэгдүгээр сард богино хугацаанд эмчилгээ хийлгээд ирэхээр явжээ. Гэтэл эрүүл мэнд нь сайнгүй байна гэж НИТХ-д мэдэгдсэн учир гурван сарын цалинтай чөлөө олгосон байна. Т.Билэгтийн санал болгосноор түүнийг Ц.Цогзолмаа дарга орлож байгаа аж.
Харин АТГ-ынхан дээрх хэрэгт холбоотой шаардлагатай мэдээ, баримтыг архиваас авсан гэнэ. Хамгийн сүүлд Т.Билэгт НИТХ-ын тэргүүлэгчдийн нарийн бичгийн дарга Ж.Батбаясгалантай утсаар холбогдож “Эмчилгээ үргэлжилж байгаа. Хурдхан л очмоор байна” хэмээн ярьсан аж.