Цагдаагийн экс дарга нарт холбогдох шүүх хурлыг өнөөдөр 10:00 цагт хийхээр товлосон тухай бид мэдээлсэн. Албан эх сурвалжаас авсан мэдээллээр ЦЕГ-ын даргын үүрэг гүйцэтгэгч асан шүүгдэгч Ч.Амарболд генерал зүрхний титэм судас нь өргөссөн, биеийн байдал нь хүнд хэвтэрт байгаа  аж. НЦГ-ын дарга асан О.Зоригтын хувьд зүрхний хагалгаанд ороод хэдхэн хонож байгаа гэнэ. Тэд Шастины нэрэмжит гуравдугаар эмнэлэгт эмчлүүлж байна.
Сүхбаатар дүүргийн шүүх өнөөдөр хэргийг хэлэлцэхээр товлосон тул тэднийг авчруулахаар цагдаагийн ажилтнуудыг явуулжээ.