Монголын залуу хос Гэгээн Валентины өдөр тэмдэглэхээр Туркийн Стамбул хотод ирээд лхагва гарагт Босфорын усанд живжээ.
Хувийн нэгэн Dogan news agency агентлагийн мэдээлснээр бол Швейцарьт  суралцдаг Бат-Эрдэнийн Сэрээтэр, Дорлигжавын Сарангэрэл нар Стамбулд хоёрдугаар сарын 7-ны өдөр ирсэн байна. Тэд гэгээн Валентины өдрийг энд тэмдэглэхээр Стамбул хотын Бешикташ районы зочид буудал буужээ.
Эхний мэдээлээр Сэрээтэр нь их хэмжээний согтууруулах ундаа ууж, лхагва гарагийн орой зугаалахаар гараад буудлын яг дэргэдэх тэнгисийн усанд унасан гэнэ. Найз бүсгүй нь түүнийг аврахаар ус руу үсэрч орсон ч хоёулаа гарч ирээгүй гэж нүдээр үзсэн хүмүүс ярьжээ.

Зочид буудлын ажилтнууд цагдаа, аврах албаныхныг дуудаж залуусын цогцсыг гаргаж авсан байна. Хуулийнхан үйл явдлын мөрөөр мөрдөн шалгаж эхэлжээ. Туркийн хэвлэл мэдээллийн хэрэгслээр Сэрээтэр нь монголын нэртэй бөх байсан улстөрч Бадмаанямбуугийн Бат-Эрдэнийн хүү байсан гэж мэдээлж байна. Сарангэрэл нь мөн л монголын нэртэй нэг гэр бүлийн охин байжээ хэмээн http://www.todayszaman.com сайтад мэдээлжээ.

Харин сүүлд нэмэндсэн мэдээллээр:

Туркийн хэвлэлүүд осолдсон хоёр хүүхдийн эрэгтэй нь Монгол Улсын Их Хурлын гишүүн Б.Бат-Эрдэнийн хүү хэмээн бичиж буй юм. Үнэндээ Б.Бат-Эрдэнэ гишүүнд Сэрээтэр гэж хүү байхгүй гэдгийг монгол хүн бүр шахуу мэдэх юм. Тэгэхээр осолдсон хүүгийн аав нь монголын нэр хүнд бүхий бизнесмэн гэдэг нь УИХ-ын гишүүн Батхүүгийн дүү МТС компанийн захирал П.Бат-Эрдэнэ бололтой.