Ардчилсан Залуучуудын холбооноос Сар шинийн сарын баярыг тохиолдуулан “Ахмадаа хүндэлье” арга хэмжээг зохион байгууллаа. Энэ хүрээнд АЗХ-ны 21 аймаг, есөн дүүргийн салбар холбоод тухайн аймаг, дүүрэгтээ оршин суудаг өндөр настай, амьжиргааны түвшин доогуур, хөгжлийн бэрхшээлтэй ахмадуудад гарын бэлэг өгөв. Тус холбооны залуус энэ жилээс эхэлж 21 аймаг, есөн дүүргийн ахмадууддаа Цагаан сарын баяраа тэмдэглэхэд нь дэм болохоор тавгийн идээ, гарын бэлэг гардуулж байгаа. Нийтдээ 150 ахмад настанд Сар шинийн баяраа тэмдэглэхэд дэм болох үүднээс энэхүү “Ахмадаа хүндэлье” арга хэмжээг зохион байгуулсанд ахмадууд талархалаа илэрхийлж, ерөөлийг үгээ хайрласан юм.