ЗГХЭГ-ын дарга Ч.Хүрэлбаатар нэр төрөө сэргээлгэхээр “Өглөөний сонин”-г Сүхбаатар дүүргийн шүүхэд өгчээ. Тэрээр тус дүүргийн шүүхэд гаргасан нэхэмжлэлдээ “Өглөөний сонины 2012 оны тавдугаар сарын 28-ны өдрийн даваа гаригийн 104 дугаарт болон тавдугаар сарын 29-ний өдрийн мягмар гарагийн 105 дугаарт “Увс аймгийн  Засаг дарга Э.Цасчихэрийг золиосонд гаргасан, Увс аймгийн Бөхмөрөн сумын Хотгор шанагын нүүрсний ордыг 11 сая ам.доллараар Солонгосын төрийн өмчит компани болох “Кореан Коал” компанид зарсан, тус ордыг стратегийн ач холбогдол бүхий орд газарт хамааруулахгүй байх бүхий л арга хэмжээг авч, улмаар улсын хөрөнгөөр хайгуул хийж тогтоосон нөөцийг дарсан” гэх зэргээр илт гүжирдлэгийн шинжтэй, бодит байдалд үл нийцсэн худал мэдээллийг хэвлэн нийтэлж, нэр төрд минь халдсан тул миний нэр төрийг сэргээж өгнө үү” хэмээн дурьдсан гэнэ.