Манай улс анх удаа гадаадад амьдарч буй монгол иргэдийнхээ саналыг авах гэж буй. Энэ ажлыг Гадаад харилцааны яам, Сонгуулийн ерөнхий хороотой хамтарч зохион байгуулах юм. Тэгвэл бэлтгэл ажил ерөнхийдөө гүйцэж байгаа гэдгийг СЕХ-ны ажлын албаны дарга Б.Баяндүүрэн мэдээллээ. Тэрээр, “Өнөөдрийн байдлаар гадаадад байгаа 2500 орчим иргэн бүртгүүлээд байна. Бид саналын хуудсыг ирэх сарын 6-наас санал авах улсууд руу явуулна. Саналын хуудас хэрхэн бөглөх зааврыг тодорхой бичсэн байгаа. Сонгогч нэг л намын нэрийг бөглөж будна. Хэрэв буруу будвал дахин нэг саналын хуудас авах боломжтой” гэсэн юм.