УИХ-ын сонгуульд МАН-аас Сүхбаатар дүүрэгт нэр дэвших эрх авсан Сангийн дэд сайд Ч.Ганхуяг, Улаанбаатар хотын Засаг даргын орлогч Д.Цогзолмаа нар өнөөдөр сонгуулийн сурталчилгааныхаа нээлтийг Соёлын төв өргөөнд хийлээ. Мөн НИТХ-д нэр дэвших эрхмүүд ч тэдэнтэй хамт нээлтээ хийж, энэ өдрөөс эхлэн өөрсдийгөө таниулах ажилдаа орсон юм. Нэр дэвшигчид сурсан зангаараа иргэдийн тархи угаах зүйлээ чадамгай сайн ярих. Энэ зуур харин Сангийн дэд сайд Ч.Ганхуяг хүн болгонтой гар барьж, “Намайг дэмжээрэй. Ах дүү нартаа хэлээрэй. Цааш нь дамжуулаарай. Итгэлийг чинь зүтгэлээрээ хариулах болно” хэмээж баруун гараараа гар барьж, зүүн гараараа өөрийн зураг бүхий нэрийн хуудсаа тарааж байв. Талхны үнэ мэддэггүй дэд сайд маань ийн түмний төлөө зүтгэх үйлсэд ханцуй шамлан орлоо.