Нийслэлийн прокурорын газрынхан “Анод” банк дампуурсан хэргийг хянаж дуусчээ. Тиймээс тун удахгүй шүүхэд шилжүүлэх гэнэ. Цагдаагийнхан эл хэрэгт 20 орчим хүнийг холбогдуулан шалгасан. Тэднээс цөөнгүйг нь прокурорынхон яллагдагчаар татаад буй гэнэ. Тухайлбал, тус банкны гүйцэтгэх захирал байсан Д.Энхтөр, ТУЗ-ын дарга Э.Гүр-Аранз, гишүүн  Н.Даваа, Тамгын газрын дарга Л.Уламбаяр нарыг Эрүүгийн хуулийн банкны хууль тогтоомж зөрчих, бусдын эд хөрөнгийг завшиж үрэгдүүлэх, залилах гэсэн зүйл ангиар буруутгаж шалгасан юм.  Тэднийг нэг хэсэг шоронд ч хорьсон билээ. Гэвч одоогоор бүгд батлан даалтад гадуур байгаа юм.
Хавтаст хэрэг нь шүүхэд шилжсэнээр хуулиар бол 14 хоногийн дотор шүүх хурлын товыг гаргах учиртай аж.
Б.Алтан