АТГ-ын Хяналт шалгалт дүн шинжилгээний хэлтсийнхэн албан тушаалтнуудын хөрөнгө орлогын мэдүүлгийг шалгаж дуусчээ. Шалгалт хийх явцад УИХ-ын гишүүн Х.Бадамсүрэн, Л.Гүндалай, С.Оюун, Ц.Цэнгэл, Д.Арвин нарын хөрөнгө, орлогын мэдүүлгээ худлаа гаргасан нь тогтоогдсон гэнэ. Тиймээс Авлигын эсрэг хуулийн 13.2-т заасны дагуу УИХ-ын Ёс зүйн дэд хороонд хандсан байна.
Түүнчлэн шүүх, прокурор, цагдаагийн байгууллагын албан тушаалтнуудын хөрөнгө, орлогын мэдүүлгийг шалгахад мөн зөрчил илэрчээ. Тухайлбал, Дархан-Уул аймгийн прокурор Б.Дашням, Нийслэлийн цагдаагийн газрын дэд дарга асан А.Эрдэнэбаяр, Дархан-Уул аймгийн Цагдаагийн газрын Замын цагдаагийн тасгийн дарга Б.Баттулга, Чингэлтэй дүүргийн цагдаагийн хэлтсийн дарга Б.Амгаланбаатар, Төмөр замын цагдаагийн хэлтсийн дарга Ц.Энхсайхан зэрэг албан тушаалтан өөрийн болон гэр бүлийн гишүүдийн өмчлөлд байдаг хөдлөх болон үл хөдлөх хөрөнгөнийхөө заримыг мартсан байсан гэнэ. Тиймээс тэдэнд хариуцлага тооцуулахаар АТГ-аас Улсын ерөнхий прокурор Д.Дорлигжав, ЦЕГ-ын дарга Д.Сандаг-Очир нарт албан бичиг хүргүүлсэн байна.
Б.Алтан