Шударга Өрсөлдөөн хэрэглэгчийн төлөө газар, Монголын Үйлдвэрчний эвлэлийн холбоотой  хамтран ажиллах гэрээ байгууллаа.

Гэрээ байгуулснаар цахилгаан эрчим хүч, цэвэр, бохир ус хангамж, нийтийн тээвэр зэрэг монополь болон давамгай байдалтай аж ахуй эрхлэгчдийн бараа, ажил, үйлчилгээний үнэ тарифын үндэслэлийг тогтоох, хөдөлмөрийн хууль тогтоомжийн хэрэгжилтийн байдалд үзлэг шалгалт хийх, илэрсэн зөрчил дутагдлыг арилгуулах арга хэмжээ авахад хамтарч ажиллах юм байна. Түүнчлэн хөдөлмөрчдийн эрх, ашиг, нийгмийн хамгааллын асуудлаар хамтарч ажиллах юм.

Дээрх хоёр байгууллага 2013 онд  байгуулсан  хамтран ажиллах гэрээний хугацаа дууссантай холбогдуулан шинээр гэрээ байгуулж буй аж.