АН, МАН хоёр нэг “хөнжил”-д орсноос хойш бүүр ч адилхан сэтгэдэг болж. Бүүр нэг “хөнжил”-д орохоосоо өмнө ч адилхан сэтгэж байсан юм чинь аргагүй биз ээ. “Эх орны хишиг”, “Эрдэнийн хувь” гээд ижилхэн бэлэн мөнгөний амлалт өгч чадсан нь сонгогчдыг татах нэг гох дэгээ нь болсон нь үнэн. Энэ удаад тэд Монгол хүн гэдэг үгийг онцлохоор шийдсэн аж. АН “Хүн шиг амьдаръя, Улс шиг хөгжье” гэсэн уриатайгаар сонгуулийн ажлаа эхэлж буй бол МАН “Та бол Монгол хүн.Та бол тусгаар тогтнол “ гэсэн уриа дэвшүүлжээ. Мөрийн хөтөлбөртөө аль аль нь Монгол хүн хэмээн онцгойлоод байгаа нь УИХ-д нэр дэвшиж байгаа зарим хүнд нэг талаар азны л юм болж буй бололтой. Учир нь, зарим нэр дэвшигч АН, МАН-ын мөрийн хөтөлбөрөөс өмнө “Монгол хүн та Монголын баялаг” хэмээн ярьж байсан нь аль ч нам ялсан миний мөрийн хөтөлбөр биелэх нь тодорхой шүү хэмээн бяцхан заль хэрэглэх боломжтой болгож дээ. Нэр дэвшигчдийн сүйхээ л мэдэж дээ.