Энэ жилийн УИХ-ын сонгууль тойрог тойрогтоо онцлогтой, том жижиггүй өрсөлдөөнтэй ширүүн болох шинжтэй байна. Ялангуяа наран ургах зүг Дорнод аймагт мөнгөндөө дулдуйтсан Н.Номтойбаяр, туршлагадаа эрдсэн Д.Одбаяр тэргүүтэй 10 гаран нэр дэвшигчид Дорнодын 2 мандатын төлөө өдөр шөнөгүй тэмцэлдэж эхэллээ. Энэ дунд тус аймгийн уугуул Халхгол сумын харъяат, “Дорнод гурил” ХХК-ийн захирал Болорчулуун МАН-тайгаа тэрсэлдэн УИХ-д нэрээ дэвшүүлсэн явдал нь эрх баригч 2 намынх нь хувьд том “Шаврын хаалт”  болоод байна. Дорнод нутгийнхны нүдэн дээр цэцэглэн хөгжсөн түүний бизнесийн амжилтыг хэн ч үгүйсгэхгүй бөгөөд өөрийн бор зүрхээр амжилтанд хүрснийг хэн хүнгүй мэдэх билээ. Тэрбээр нам мөнгө дагаж амбиц хөөсөнгүй, хөдөлмөр бүтээн байгуулалтаараа нэр хүндийг олж авч, УИХ-д бие даан нэр дэвшиж байгаа тул эрх баригч МАН, АН-ын нэр дэвшигчид түүнээс үхтлээ айж байна. Түүний эсрэг уламжлал ёсоор архичин П.Алтангэрэл, засаг дарга асан Д.Одбаяр нар энэ удаад саналын хуудсыг гараар тоолдог байсан бол ялах магадлал өндөр хэдий ч автомат тоологчтой болсон энэ удаагийн сонгуульд найдвар итгэл тун муу байна. Иймээс эрх баригчид Дорнод нутгийнхны дунд “Х.Болорчулуунаа сонгуульд ялуулаад яах юм бэ? Аймгийн засаг дарга болгоё” гэсэн мэссэжийг өдөр бүр амнаас ам дамжуулан цацаж байна.