Гадаадад ажиллаж, амьдарч байгаа монголчууд энэ жилээс сонгуульд оролцох эрхтэй болж буй. Одоогийн байдлаар гадаадын 39 оронд ажиллаж, амьдарч буй Монголын 2500 орчим иргэн сонгуульд санал өгөхөөр бүртгүүлээд байгаа аж. Тэднээс санал авах ажлыг тухайн оронд суугаа Монголын Дипломат төлөөлөгчдийн газар зохион байгуулж, дипломат төлөөлөгчийн газрын 172 хүн сонгуулийг зохион байгуулах гэнэ. Гадаадад байгаа яг хэчнээн иргэн санал өгөхөө бүртгүүлсэн эцсийн мэдээ гарсны дараа буюу нөгөөдөр саналын хуудсыг дугтуйнд битүүмжлэн тухайн иргэдийн оршин суугаа орнууд руу явуулах юм байна.