Нинжа буюу гар аргаар ашигт малтмал олборлогчдын балаг монголд багадаагүй. Өнөөдөр 30 гаруй мянган нинжа бий гэсэн судалгаа бий. Олон улсын зарим байгууллагын судлаачид 70 мянган нинжатай хэмээдэг. Нинжа нарыг хязгаарлах, нэгдсэн зохион байгуулалтад оруулахын тулд хоршоолол байгуулах,  лиценз олгох болсон. Одоогоор бичил уурхайд ажиллаж буй 3000 хүн бий гэсэн тооцоо гарлаа. Уг нөхөрлөлд хамрагдсан иргэд олборлолт явуулах газраа кадастарт оруулж сар бүр 50 мянган төгрөгийн татвар төлнө.  Мөн нөхөн сэргээлтэд зарцуулах мөнгө тухайн орон нутагт төвлөрүүлэх үүрэгтэй ажээ.