Гадаадад ажиллаж амьдарч буй иргэд зургадугаар сарын 10-нд сонгуулиа өгөх ёстой. Саналын хуудасны загвар, тоо, түүнийг хэвлүүлэх, хадгалах, хүргүүлэх, хамгаалах журмыг Сонгуулийн Ерөнхий Хорооноос баталсан билээ. Үүний дагуу СЕХ гадаад улсад ажиллаж амьдарч байгаа монгол иргэдээс авах саналын хуудсыг хэвлүүлж дуусгажээ. Саналын хуудсыг хэвлэж дуусгасан учир Гадаадад байгаа монгол иргэдийн санал  авах ажлыг зохион байгуулах хамтарсан комисст өчигдөр албан ёсоор хүлээлгэн өгчээ. Өчигдрөөс эхлэн саналыг хуудсыг гадаад улс дахь Монгол Улсын  дипломат төлөөлөгчийн газруудад  шуурхай хүргэх ажлыг зохион байгуулж эхэлжээ.