Монголд цөмийн хаягдал булшлах тухай яриа гарснаас хойш 11 мянган иргэн интернэтэд нэгджээ. Facebook-т нэгдсэн “No nuclear” хөдөлгөөнийхөн өчигдөр мэдээлэл хийж цөмийн хаягдал Монголд оруулж ирэх талаар гадаадынхантай хуйвалдсан байх магадлалтай улстөрчдийг УИХ-ын сонгуульд нэр дэвших эрхгүй гэж мэдэгдлээ. Энэ талаар тус хөдөлгөөний гишүүн А.Саруул “Монголд цөмийн хаягдал булахаар хөөцөлдсөн ньүнэн юм билээ. Эрдэс баялаг, эрчим хүчний сайд Д.Зоригт, Гадаад харилцааны яамны тусгай үүрэг гүйцэтгэгч, Элчин сайд А.Ундраа, “Мон-Атом”-ын Р.Бадам¬дамдин нар 2009 оны аравдугаар сард Америкт очиж Эрчим хүчний газрын удирдах албан тушаалтантай уулзсан гэсэн. Гэвч энэ яриаг Ерөнхийлөгч тас цохьсон.  Хэрвээ Д.Зоригт нар УИХ-д дахин сонгогдвол цөмийн хаягдал булшлах талаар хэлэлцээрээ үргэлжлүүлж мэднэ” гэсэн юм.
Д.Зоригтоос гадна О.Чулуунбат, Сү.Батболд, С.Оюун, Ш.Занданшатар, Ё.Отгонбаяр нарыг УИХ-ын сонгуульд өрсөлдүүлэхгүй байх талаар дээрх хөдөлгөөн тэмцэнэ гэж мэдэгдлээ.