Энэ оны хуульчийн сонгон шалгаруулалтыг наймдугаар сарын 18, 19-ний өдрүүдэд нийслэлд явуулахаар боллоо. Харин бүртгэлийг нийслэлд тавдугаар сарын 30-наас долдугаар сарын 18-ны өдрийг дуустал Хуульзүйн үндэсний хүрээлэнд, орон нутагт аймгийн Засаг даргын тамгын газрын Хуульзүйн хэлтэст бүртгэх аж. Сонгон шалгаруулалтад оролцохыг хүсэгчид бүртгүүлэхдээ шалгаруулалтад орохыг хүссэн өргөдөл, иргэний үнэмлэх, боловсролын диплом хууль, эрхзүйн чиглэлээр хоёроос доошгүй жил ажилласан ажил олгогчийн болон цагдаагийн тодорхойлолт, даатгалын дэвтэр зэргийг бүрдүүлэн бүртгэлийн хураамж болох 20 мянган төгрөгийг Төрийн сангийн 900012019 дансанд тушаасан байх хэрэгтэй аж.