МАХН-МҮАН-ын” Шударга ёс” эвслийн жагсаалтын эхэнд Н.Энхбаяр, зургадугаарт түүний хүү Э.Батшугарын нэр бичээстэй байсан. Гэвч Э.Батшугар цэргийн алба хаагаагүй гэсэн үндэслэлээр улс төрд орох санаа нь бүтэлгүйтсэн. Нэг гэр бүлийн хоёр хүн нэг өдөр, нэг цагт сонгуульд оролцох тийз өгөхгүй гэсэн таагүй мэдээ хүлээж авсан. Энэ  мэдээ тэдний гэр бүлд хүнд цохиолт болсон нь ойлгомжтой. Одоо Н.Энхбаярын гэр бүлээс нэг л хүн улс төрд орж болох нь. Энэ нь түүний эхнэр О.Цолмон. Хуулиараа нэр дэвшигчийг дахин бүртгүүлэх, өөр хүний нэрийг дэвшүүлэх хугацаа маргааш дуусна. Тиймээс Н.Энхбаярын нэрийг дахин дэвшүүлээд тус болох нь юу л бол. Харин түүний эхнэрт боломж байж мэдэх юм.