Гадаад улсад амьдарч, ажиллаж байгаа монголчууд маань өнөөдөр сонгуульд оролцон, саналаа өгч байна. Монгол Улс 39 улсад дипломат төлөөлөгчийн газартай, түүгээрээ дамжуулан 17 оронд амьдарч, ажиллаж байгаа монголчуудынхаа саналыг өнөөдөр өглөөний 07.00 цагаас авч эхэлсэн юм. Өглөөний 9.00 цаг /Улаанбаатарын цаг/ -ийн байдлаар 221 монгол иргэн саналаа өгөөд байгаа ажээ.
 Гадаадад байгаа монгол иргэдийн санал авах ажлыг зохион байгуулах үүрэг бүхий хамтарсан комисс хоёр цаг тутам мэдээ авч сайтад байршуулж байна. Комиссын албан  ёсны мэдээгээр гадаад улсад амьдарч, ажиллаж байгаа сонгуулийн эрх бүхий монгол иргэдээс 4329 нь сонгуульд оролцохоо илэрхийлж албан ёсоор бүртгүүлжээ.