МАХН-ын дарга, Ерөнхийлөгч асан Н.Энхбаяр шүүх хурлыг хойшлуулах тухай шийдвэр сонсоод гарч ирснээ хэвлэлийнхэнд ийн ярьсан юм.
“Миний өмгөөлөгч Б.Оюунбилэг УИХ-ын сонгуульд Говь-Алтай аймагт нэр дэвшиж байгаа. Мэдээж, шүүх болон үйлчлүүлэгчийнхээ эрх ашгийг хүндэтгэх ёстой ч, нөгөө талаар сонгогчдоо хүндэтгэх, тэдэнтэй уулзах ёстой гэдгийг ойлгож байна. Үүнээс гадна хэт улс төржсөн сонгуулийн энэ үед шүүх хурлын шийдвэрийг үнэн зөв гаргуулах үүднээс хойшлуулах санал тавьсан юм. Шүүх бүрэлдэхүүн хэлэлцээд шүүх хурлыг энэ сарын 21-ний өдөр хүртэл хойшлууллаа. Хууль, шүүхийн байгууллага улс төрөөс хараат байгаа энэ үед хэргийг үнэн зөвөөр шийдвэрлэнэ гэдэг итгэхгүй байна. Ер нь, ажиглаад байхад шүүх хурлыг хэт улстөржсөн уур амьсгалтай явуулж байна. Үүнд их харамсч байна” гэв.
Н.Энхбаярын хүүхдүүд